Show Times
Not Currently Scheduled.About the Show
Mir liewen an enger Welt, wou Konsum iwwerall ass – Social Media, Shopping, Party, Kaffi oder déi nächst Serie op Netflix oder Amazon.Et gëtt ëmmer eppes Neies, wat eis oflenkt oder eis fir ee Moment gutt fille léist. Awer wéini gëtt et ze vill? A wéi kënne mir eis wierklech wuel fillen, ouni ëmmer eppes „musse“ ze hunn oder ze maachen?
Am Podcast „KloreKapp“ schwätzen d’Manon an d’Nathalie, Fachberoderinnen beim Cnapa dem nationale Suchtpreventiounszentrum, éierlech, direkt a mat engem Augenzwinkeren iwwer Konsum, Selbstkontroll a wéi een e gesonde Mëttelwee fënnt. Et geet ëm Themen, déi jiddereen aus dem Alldag kennt – Social Media, Alkohol, Shopping, oder einfach dat konstante Gefill, ëmmer “eppes ze dinn” ze hunn.
An véier kuerze Follgen gees du mat hinnen op Entdeckungsrees: Wou stees du selwer? Wat léisst dech wierklech gutt fillen? Solls du a wéi kanns du deng Gewunnechten änneren, ouni op Spaass a Wuelbefannen zu verzichten?
KloreKapp ass däi klenge Reminder, datt Konsum ëmmer soll bewosst sinn an dofir lauschter eran, reflektéier mat, a fann deng eege Balance tëscht Genoss a Gesondheet.
CNAPA
Mail: frono@cnapa.lu
Tel.: 49 77 77 55
Whatsapp : 691 49 77 55
Aner nëtzlech Adressen wous du Hëllef kanns kréien:
Suchtberodung online: www.suchtberodungonline.lu
CEPAS www.cepas.public.lu
KannerJugendTelefon KJT : 00352 116111
Pipapo www.pipapo.lu
