Wat Schwätz du?

Hannert all Profil stécht eng Geschicht — mee net ëmmer déi, déi mir mengen. An der zweeter Episod vun dëser neier Staffel vu Wat Schwätz Du? dauche mir nach méi déif an d’Welt vun de soziale Medien an hir Auswierkungen op eis Gesellschaft an eis Alldag an. Fir dëst Thema aus verschiddene Perspektiven ze beliichten, hu mir dës Kéier de Micas Carvalho als Gaascht agelueden, hien ass ënner anerem en Content Creator, Social Media Coach an Pädagog. Zesumme schwätze mir iwwer Algorithmen, Influencer-Kultur zu Lëtzebuerg an d’Fro, wéi Social Media eis Wahrnehmung vun der Welt beaflosst.

Dëst ass e Recap vun eiser Live-Sendung vum 24. Abrëll. D’Angie huet zesumme mam Sara, Jordan an Diogo doriwwer geschwat, wat d’Leit an der zweeter Staffel vu WSD erwaarde kënnen: wéi eng Themen ugeschwat ginn a wéi eng Invitéeë mat dobäi sinn. D’Musek gouf aus dem Recap erausgeschnidden.

D’Jessica, de Nico, den Diogo, de Gonçalo, de Steve an d’Sara diskutéieren oppen iwwer den Impakt vun der Léift am Alldag, mat verschiddene Perspektiven, Illusiounen an Erwaardungen.

An dëser Episod geet et ëm Virurteeler a Stigma: wéi se entstinn, wat se mat eis maachen, ob et méiglech ass net ze jugéieren, a wéi een op d’Uerteeler vun aneren reagéiere kann.

Wat heescht et eigentlech kriminell ze sinn – a wien decidéiert, wou d’Grenz tëscht Recht, Moral a Liewensrealitéit verleeft?

Wat heescht et, sech doheem ze fillen, wann een keen Doheem huet?
Vu Perspektiven aus dem CSEE bis bei d’Realitéite vun der Strooss.

An eiser éischter Episode geet et ëm Gewalt – wou se entsteet, wisou se geschitt, a wéi mir domat ëmgoe kënnen. Michael, Nico, Steve, Jackson an d’Daniela Cabete deelen hir Perspektiven a weisen, datt d’Fäegkeet zu Gewalt méi no bei eis läit, wéi mer denken. Lauschtert eran!

Hei kanns du eis Live-Sendung nolauschteren, an där mir de Podcast Wat Schwätz Du? virstellen. Ab dem 17. Oktober geet et richteg lass!